Teringat Ko Mek Ambo

*post ini akan ditulis dalam bahasa kelate. sila sediakan kamus bergerak  secepat mungkin.


Ambo teringat ko mek ambo. Sebab mek ambo ni tidaklah berpelajare. Mek ambo tak rajin gi skoloh. Baco jawi tak reti, baca rumi tak reti. Satu-satunya hok dia reti adalah baca al-Quran. Ambo nak tanya, adakah budak-budak lo ni hok pandai baca rumi tapi tak reti baca al-Quran lebih baik dari mek ambo? Tepuk dada tanya selera la weh.

Mek ambo kalu gi ke mana-mana, jenguk rumah orang misalannya, tak akan pernah lupa bawa buah tangan. Kalu tak dok ssekut gula, atau gula sekilo, atau susu setin, mek ambo akan berasa ralat sangat-sangat nak gi rumah orang. Ada kita lo ni buat lagu tuh? Kita lo ni bukan setakat tak bawak gapo-gapo, nak gi tu siap telefon suruh tuan rumah masak macam-macam lagi, nak suruh pulak tuan rumah jamu kita.

Mek ambo kalu ado orang mari ke rumah tak rajin lupa buat air. Kalu tak dok milo, teh O pun jadi doh. Kalu tak dok ssekut meri, ssekut gula; ssekut tawar pun jadi doh. Paling-paling tak dok pun, ssekut mayat sedap jugok buat cicah dengan teh O.

Mek ambo kalu tetamu nak balik tak pernah lupa hulur apa-apa. Kalu tak dok sepuluh rial, dua tiga rial pun dia hulur ke tangan budak-budak. Kalu tak dok duit, dia hulur gula sekapit hok ada di dapur. Habih-habih tak dok dio hulur bungkus buat balik gapo hok dio jamu tak di.

Mek ambo kalu nak manggil bekwoh, susah-susah pun dia akan jemput dari rumah ke rumah. Nak panggil walimah ni dia kata, kena bertemu mata. Kena gi rumah orang dulu sebelum nak panggil orang mari rumah kita. Jauh dekat pun kena gi temu mata. Dalam kamus dia tak dok main pesan-pesan. Kalu dia tahu kita manggil bekwoh nikah kawin ni pakai pos kad, atau email, atau SMS; ambo rasa lama doh nnenja singgoh dada ambo.

Banyak lagi weh, tapi setakat ni la dulu. Tu pun banyak hok kita tok leh buat.

*ambo raso bahaso kelate ambo tidaklah sebagus mana....